إم.إم جروب للصناعة والتجارة العالمية اشترت %40 من شركة بي فارما.

• أصل الموضوع: شركة بى فارما بتستثمر فى مجال خدمات توزيع وتجارة الأدوية، بالتعاون مع شركة بى انفستمنتس.
  • إم.إم جروب، المقيدة بالبورصة، هتستثمر 250 مليون جنيه مصرى عشان تشترى الحصة من بى فارما.
• ليه ده مهم: دة يعتبر الاستثمار الأول لشركة إم.إم جروب فى مجال توزيع الأدوية، والاستثمار فيها يعرضك بشكل غير مباشر لقطاع توزيع الأدوية، دة بالإضافة لوجود شركة أخرى مدرجة في القطاع دة وهي ابن سينا فارما.
• ودلوقتي؟: فيه استثمارات كتيرة الفترة دي بتروح لقطاع الأدوية، ومن ضمنها شراكة بى انفستمنتس مع الصندوق السيادى لإطلاق شركة عز الدولية “EZ International” لتوفير خدمات لوجستية لقطاع الادوية المصرى.

شركة  المرافق السعودية المتخصصة فى توليد الطاقة، أكوا باور، بتخطط انها تبنى مزرعة رياح فى سوهاج.

• أصل الموضوع: اكوا باور مضت موافقة مع هيئة الطاقة الجديدة والمتجددة عشان تشترى الارض اللي هتبنى عليها المشروع.
• ليه ده مهم: مزرعة الرياح متوقع إنها توفر 10 ميجاوات من الطاقة لحوالى 11 مليون وحدة سكنية.
• ودلوقتي؟: مشروع تانى؟ رئيس الوزراء المصرى بيرحب كمان بانشاء مشاريع تحلية مياه البحر مع الشركة.
  • رئيس الشركة حابب الفرصة، خصوصا وشركته أنشأت أكبر محطة تحلية مياه في العالم.

مجموعة طلعت مصطفى ناوية تصدر سندات توريق ب500 مليون جنيه, بحسب مصادر المال. 

• معلومة كلابس: سندات التوريق  بتجمع القروض المستحقة للشركة في أوراق مالية، وبعدين بتقوم ببيعها لمستثمرين لتوفير سيولة سريعة للشركة. 
  
• اصل الموضوع: طلعت مصطفى بتمتلك مشروع الرحاب ومشروع مدينتى. السندات هتكون مربوطة باشتراكات نوادى المشروعين.
• ليه ده مهم: دي اول مرة فى مصر يتم إصدار سندات التوريق من خلال ربطها باشتركات نوادى.
• و دلوقتى؟: طلعت مصطفى مش شركة العقارات الوحيدة اللي هتطرح سندات. شركة بالم هيلز برضو أعلنت عن إصدارها لسندات توريق الشهر دة.
  • ليه؟ سوق العقارات طبيعته بتخلى الشركات تحتاج تجيب فلوس بشكل اسرع عشان تفضل شغالة. السندات من الطرق اللي بتسهل دة.

• نائب محافظ البنك المركزى قال ل”اقتصاد الشرق” ان معاملات انستاباى هتكون عليها مصاريف السنة الجاية.
  • وقال برضو انهم شغالين على السماح بمعاملات المصرين
    فى السعودية والامارات وفلسطين.
• بلتون المالية قفلت تانى شريحة من زيادة راس مالها.
  • كانت طلبات الاشتراك خمس مرات ونص اكتر من المتاح. ودة أدى ان المساهمين استلموا %18.22 من الاسهم الطالبينها.
• شركة إى فاينانس هتفتح اول فرع ليها فى السودية قبل نهاية اغسطس، بحسب الرئيس التنفيذى لقطاع الاستثمار والتخطيط الاستراتيجى للشركة.
• شركة مصر الجديدة للإسكان بتدرس عرض بخصوص هليوبارك.
• المطورون العرب القابضة استثمرت 983 مليون جنيه الـ 3 سنين اللي فاتت لتطوير مشروع نيوم اكتوبر السكنى.
  • الشركة انجزت %73 من المشروع.