احمد هيكل، رئيس مجلس إدارة شركة القلعة، قال ان قيد وتداول اسهم الشركة الوطنية للطباعة، التابعة للقلعة، هيكون قريب.
الموضوع: نتائج اعمال شركة القلعة للربع الاول 2023 وضحت إن ديون الشركة اكثر من اصولها.
من اسباب قيد شركة طاقة عربية والشركة الوطنية للطباعة هو تعديل هيكل الملكية علشان يساعد في تخفيف مديونية القلعة، من خلال تحويل بعض الديون لـ اسهم ودفع ديون اخرى.
ليه ده مهم: نتائج اعمال شركة القلعة للربع الاول 2023 بتشير لتساؤلات عن الوضع المالي للشركة، وخاصة بعد عدم سداد القرض، وعد التزام الشركة بعدد من الاتفاقيات الخاصة بالديون، تتحمل الشركة عبئ 63 مليار جنيه نتيجة المخالفات دي.
ودلوقتي: الشركة هتقدم الاوراق المطلوبة للرقابة المالية والبورصة المصرية بحلول شهر أكتوبر. و بدء التداول هيكون مسموح في خلال 6 شهور من الموافقة.
الصندوق السيادى المصري حصل على 3 عروض من مستثمرين مختلفين لشراء حصة فى الشركة الوطنية لبيع وتوزيع المنتجات البترولية “وطنية”.
الموضوع: بحسب جريدة البورصة، العروض دي كانت من شركات زي:
شركة بترول أبو ظبي الوطنية “أدنوك”.
شركة بترول الإمارات الوطنية المحدودة “إينوك”.
شركة بترومين السعودية.
وبردو فيه شركات محلية مهتمة بشراء الشركة من ضمنها شركة طاقة عربية اللي لسه مدرجة في البورصة من قريب.
ليه ده مهم: الاسبوع الي فات، اعلنت الحكومة عن بيع أصول بقيمة 1.9 مليار دولار, وأعلنت كمان عن جولة تانية قريبة بقيمة مليار دولار من ضمنها وطنية.
ودلوقتي: الصندوق استقبل 6 عروض غير ملزمة وقرار البيع متوقع يتم في أكتوبر أو نوفمبر.
↗ SKPC -1.08%
مجلس إدارة سيدي كرير قرر انه يزود راس مال الشركة.
الموضوع: الزيادة هتكون قيمتها 876.9 مليون سهم كحد اقصى.
ليه ده مهم: الأسهم هتكون بس لمساهمين إيثيدكو:
إثيدكو؟-سيدى كرير هتستحوذ على إثيديكو من خلال تبادل اسهم.
بيكر تيلي المستشار المالى المستقل قيم إثيديكو ب1.45 قيمة سيدى كرير.
دة بيعكس ان سهم واحد من إيثيدكو هيتبدل بـ 79 سهم من سيدى كرير.
سيدى كرير هتزود راس مالها للاستحواذ بشكل كامل على إيثيدكو.
و دلوقتى؟: الشركة هتجتمع مع مساهميها للموافقة على القرار ده.
