هتقابل ناس في حياتك مش اللطف حاجة
وقصة عن الصبر و السعي
الحياة هتجبرك في احيان كثيرة انك تقابل ناس مش شبهك بين قوسين مش اللطف حاجة يعني تقابل ناس مثلاً جيرانك انك مختارتهمش مثلاً او مش شبهك خالص لكن عليك بكل تأكيد انك تشوفهم وتقابلهم اقدر اقولك انك مش بتختار الناس دي لانهم موجودين او تقابل مدير او مديرة من ارخم الناس اللى ممكن تشوفها في حياتك او دمهم تقيل علي قلبك كل دا شىء عادي و اعتقد ان في كثير مننا اصتدم بيه اكيد فى يوك من الايام .
عايز اقولك انك مش بتختار الناس لانهم موجودين و اللى دمه تقيل علي قلبك دا بالنسبة لحد تاني عسل و كيوت و جميل و دي سنة الاختلاف اكيد انا هنا هقولك علي سر الخلطة ببساطة اي و هي انك تقبلهم زي ما هما لان زي ما في الحلو في الوحش و زي ما في اللى انت مش بتحبه في اللي بتحبه برضه و زي ما انت شايفهم كدا في ناس برضه شيفاك مش اللطف حاجه .
الناس عادة مش بتجمع علي حد او شىء او اي حاجه فسنه الحياة الاختلاف و ان اننا نبقي فى اختلاف اكيد بينا واضح فسر الرضا و السعادة فى القبول للوضع زي ما هو عليه يعني خلينى اقولك موقف كدا حصل معايا كنت اتنقلت لشقه جديدة و المفترض انا اخدتها من حد كان وعدني اني هيسلمهالي تحفة ( سوبر لوكس ) و دفعت الفلوس و كنت صادق معاه و كل حاجه و لكن من طرفه هو للاسف موفاش بوعده و بدات المشاكل تبان اول لما سكنت و ربنا بلاني بناس تحتي قمه فى الزن ان المايه نازله عليهم و كانني ان السبب مع العلم انهم شاريين من نفس الرجل دا و ان الرجل دا ساب الشغل لناس مش امينة اتاذيت انها بسببه من الناس اللى تحتي فى القصه البسيطة اللى بحكيها دي و اللى ممكن تكون قابلت كتير غيري اكيد باختلاف الاشخاص و الاماكن كان كل ما عليا القبول للوضع وانى احاول اتعايش معاه و اصلحه على قدر وعيي و معرفتي لان اكيد مفيش شيء تاني اقدر اعمله و اقدمه الا و هو السر الرضا و القبول للوضع واني احاول احوله لطاقة ايجابية .
بجد هتقولي ازاى ديماً بص لنصف الكوباية المليان ديماً لان في غيرك لا يملك المسكن اساساً و انت اي حاجة وصلت لها مش لانك علامة او خارق للطبيعة و لكن لان ربنا منحك الهبات و النعم دي و لعلني اذكر هنا كلام سيدنا موسي عليه السلام ” رب اني لما انزلت الي من خير فقير “مهما كان معاك من نعم فانت فقير برضه لو شفت و امنت لان ربنا الوهاب انت حقيقة لا تملك اى شيء علي الاطلاق .
كل حاجة بتملكها هتروح لناس تانية بعديك اكيد لانها مش بتاعتك اساساً بس الحقيقة دي يمكن غايبه على عقول ناس كتير مش هقول عقول لا و قلوب كمان يعني الناس فاكره انها هتخلد فيها و تبقي للابد بس حقيقة الامر مفيش حد بيقعد فيها للابد كل حاجة ممكن تبقي بتاعه حد تاني في لحظة خليك مؤمن بدا و عايزك من اليوم متتعلقش باي حاجة في سكتك لانها مش دايمة لحد .
الدائم هو الله تعالي فقط و الباقي كله زائل يمكن في اوديو سمعته لاستاذ دكتور مصطفي محمود بيقول ان الحي هو الله تعالي عز وجل بينما الباقي هو حي مشوبه بالفناء لانه في يوم من الايام هيموت و يرحل و تنتهي رحلته من كوكب الارض بالتالي متنفعش تقول انه حي و هنا الحقيقة الوحيدة ان ربنا هو وحده بس تعالي الحي الحق .
اجعل رحلتك علي هذا الكوكب تستحق و هنا بقلك اعمل اللي بتحبه طالما مش بتضر حد و اعلم ان مش شرط يكون معاك فلوس عشان تعمل اللى بتحبه عايزك تكون مؤمن ان كل حاجه كبيرة اكيد بتبدأ بحلم صغير خليني اقولك قصه ممكن تلهمك انا فى بداية الشغل او قبل ما اشتغل تحديداً كنت قاعد في البيت سنة من غير شغل و بوهم نفسي اني لازم اللاقي الشغلانه اللي تليق بتعليمي و كان الناس مستنياني علي الباب عدت السنه و مشتغلتش كنت محبط جداً متخيل الايام اللى كنت بنامها على السرير مش لاقي حاجه اعملها باخد المصروف من بابا و ماما و بروح اقعد مع صحابي و نجري ندور علي شغل بس انا جوايا مستني وظيفة احلام مش بتيجي الى ان اخدت قرار اشتغل اي حاجه ايوا اي حاحة بجد و دي كانت النقطة الفاصلة اشتغلت فى شركة بجد ب 400 جم من الساعه 9 الصبح ل 7 بليل و من 7 بليل الى 1 الصبح متخيل اللى بقولوا دا ب 400 جم و كان فى ناس فى الشركة دي و قتها انا اسف مش متعلمه بتاخد 8000 جم فى سنه 2007 فى مجال الطباعه لك ان تتخيل اللى كنت فيه لكن اللى فاكره كويس اني كنت مداوم على الصلاه بحمد لله و باخد كورسات و مكمل في طريقي عادي جدا و جوايا حلم ايوا جوايا حلم و اني هوصل عايز اكتب بس مش عارف ابدأ ازاي رقم 1000 جم دا يا جماعه كان حلم و 20000 دا كان حكايه اه لو معايا كدا بس ازاي ب 400 جم نفسي و جوايا احلام لكنها كانت فى الوقت دا حلم بس لاني مكنش جوايا طاقة انى ابدا و لكن فى ايه حلوة اوي صراحة من الايات اللى قريبه من قلبي اوي
بسم الله الرحمن الرحيم
” وان ليس للانسان الا ما سعي ”
صدق الله العظيم
اد ايه كانت بدايتة طريق جميل عايز اقولك في رحلتك فى هذا الكوكب الطريق هو اللي بيختارك مش انت اللى بتختاره بجد و دي القصه اللى اغلبنا مش بيعرفها متخليش طريقك مدفوع بالغضب و الحزن و الخوف خليه مبني على جسر الايمان بربنا عز وجل .
جسر الايمان متواصل و متصل بمعني ان الايمان و اليقين اسماء جميله بس الاجمل منها انك تكون مؤمن جداً بالرسالة اللي عايز توصلها للكوكب دا او فى الرحلة الصغيرة اللي علي الكوكب دا و اجعل ديماً ان ليك هدف عايز توصله زي ما حكتلك كدا حكايتي الصغيره بتاعه المرتب 400 جم لفتره مش قليله و اد ايه الرضا بيه و اني كنت متحمس للشغلانه و مستصعرتش نفسي لاني فعلياً ربنا كرمني بعديها بشغل فى احد البنوك الحكومية كنت مؤمن جدا برسالتي اني ممكن اكتب عشان غيري يسمع و يقرا و يفهم حتي لو نقلت كلامي لواحد بس اكيد يبقي رحلتي ليها فايدة فى العالم دا .
كنت باحلو ديماً مخليش حاجة توقفني و ان وقفتني فتره احاول اقف تاني بعد الوقوع دا يعني في لحظات فشل كتير فى عمر الواحد يعني فى لحظة مش ناسيها الا و هى كنت فى الشغل و كان متقالي اني همتحن على حاجه محدده و لكن دخلت الامتحان و سقطت لان اللى جالى مكنش اللىة متقال بمعني ادق مذكرتوش خالص المهم عايز اقولك للايمان فعلاً بان ربنا مش هيرضي بالظلم دا الامتحان اتعاد بالكامل و نجحت و اترقيت وقتها فى البنك اللى عايز اقوله ان المعجزات مش موجودة فى عهود الانبياء و المرسلين و بس لا هي صدقني موجوده فى كل زمان و مكان و فى كل حته بس طبعا لضعف ايمان بعضنا و يقينه مش بنشوفها خالص بتعدي كدا علينا مرور الكرام و لكني مؤمن ان عهود المعجزات شغاله حتي يومنا دا يعني ربنا عز وجل بيعمل القانون لكن يقدر يعمل غيره النار مش بتاكل البشر و البحر بيتشق و الريح بتشيل البشر و البشر بيسخر المخلوقات التانية و العوالم الخفيه كل دا باذن ربنا عز وجل .
طاقة الايمان طاقه قوية بس للاسف غايبه عننا بل احيان كتيره بنشكك فيها دي القصه كلها و الرساله الخفية اللي مش بنشوفها كتير رساله قدامنا طوال الوقت مش قلت لك اليقين و الايمان الكلمات دي كررتها فى كتابي ايقظ التنين بداخلك فى ناس زعلت من التكرار دا على الرغم انى قلت لاني مؤمن اننا مش بنشوفهم و بيفرقوا جامد معانا اوى اوى اوى فى الطريق .
