الصراحة مش عارف ابدا منين بس خليني اقولك ان الغضب كلنا بنتصاب بيه فى لحظه ما مهما كانت مدي تحملك مفيش حد مش بيغضب واللي يقولك غير كدا بيضحك علي نفسه او عامل نفسه بمعني اصح أعمي .
السؤال المهم انت وانت غضبان بتبقي عامل ازاي دا الاهم في كل الحكاية ازاي بتتصرف كتير فى اواقات بتيجي علينا والغضب بيكون ملينا حتي من غير سبب مقنع و تفضل ساكت بعدها مش عارف انت غضبان ليه ولا من ايه بالضبط عادي جدا تقبل دا و تقبل الجزء اللي جواك رافض لدا .
انت في كل الأحوال انسان يعني كوكتيل مشاعر متحرك مفيش حد يقولك اعمل و متعملش لما تغضب لان اللى فى الكتب شيء وانت الحياة قدامك شيء تاني فاللي عايز اقوله اغضب بس بعقل يعني مش لما تغضب تطلع اسوء ما فيك الحكيم اللي لما يغضب يعرف يتحكم في الغضب و ميكنش مسيطر الغضب عليه من كل الجوانب و يكون عامل زي الاعمي لازم يكون في حكمة بنحاول كلنا نتعلم دا ساعات بنقف و ساعات تانيه بننجح العبرة ديما بالاختبار الاخير فلا تياس .
و متحاولش تخلي كل الناس زيك بالمناسبه لان انت مفيش حد زيك كلنا مش زي بعض و تخيل معايا كدا عالم عايش فيه ناس كلها شبه بعض هل كان هيبقي حلو الاجابة لا طبعا يبقى ممل عشان كدا ربنا خلق الاختلاف بينا كلنا اقبل نفسك و اقبل كل اللي فيها من عيوب و نقائص و ترفع عنها اذا سمحت و اعمل زي ماكان النبي عليه الصلاة والسلام بيعمل
