القبول دي معيار جميل و طريق طويل انك تقبل كل اللى هتشوفوا في طريقك مش الحلو بس مش الربح بس يعني تقبل خسارتك قبل ربحك وحشك قبل حلوك خلي نفسك حر في قبول اى حاجة تطلع لك لما تقعد مع نفسك و صدقني هتلاقي مفاجأت في الاوضه دي حلو ووحش و لما تقبلها علي مراحل هتحس بفرق كبير جداً جداً .
مش عايزك من النهاردة تصارع حد الصراحة لان الحياة مش مستاهلة صراعات خالص كل المطلوب منك انك تعيش بحب بس دا اللى انا طالبه منك عايز اقولك اني فى يومي بلاقي ناس بتتخانق على اشياء تافهه من منظوري طب تخيل لو قلت لك اني شفتهم بيتخانقوا علي كرسي الباص مين هيقعد فين و كأن المكان دا حكر او فرض للسيطره او احد الاملاك اللى المفروض اقاتي عليها عشان مقعدش عليها غيري طبعا الكلام دا هنا الانا هي اللى بتكون مسيطرة عليك .
طب تقدر تعرفها ازاى اول لما تحس انك بقيت تقول كلمة انا كتير يبقى هي ركبت الساحة عايز اقولك الانا دي مشكلة جامده جدا جدا جدا و مهما قرات من كتب فان في وجهه نظري انت الوحيد اللي هتقدر تتعامل معاها بداية من قبولها الى التعامل معاها بصبر و حكمة .
عايز اقولك ان موضوع الصبر دا في حد ذاته عند معظمنا مش اللطف حاجة اغلبنا يعني عايز الحاجة كلها بسرعه و دلوقتي و الان و دي المشكلة و يمكن عشان احنا في عصر السرعه الدنيا بقت كدا لكن خليني اقولك في حاجات كتيره لو فكرت فيها هتعرف انها مش مستاهله انك تحارب عليها كرسي او مكان او فلوس لان الرحلة بتاعتك ممكن تخلص في اي وقت دي القصه باختصار .
الحكمة طول عمرها موجودة جواك يعني كل اللى بتطلبه هي منك انك تدور عليها و تسمعها . ببساطة انك تديها الفرصة تسوق و تسمعها بجد يعني هتستفاد ايه لما تخسر نفسك بس تكسب العالم اكيد مش هتستفاد حاجه خالص الحكمة هنا الصبر و المعرفة و نشر الخير يعني لو فكرت شويه هتلاقي في حياتك فى ناس بتنشر الخير حوليك وناس تانيه بتكون اسباب هدم و يمكن انا بحب اقول عليهم عمال النور و عمال الظلام يعني ناس بتنشر النور و ناس دورهم للاسف الهدم ياتري انت عايز تبقي مع مين منهم ؟
القرار هنا مش قرار اي حد تانى الا انت لا فعلياً انت بس اللى من حقك تقرر تكون مع اي فريق فيهم و كان ديماً لما تقابل احد عمال النور كان يقولك الطريق ديماً هو اللى بيلاقيك مش انت يعني لما تكون فعلياً جاهز هيظهر حد يعلمك بجد و ياخذ بايدك .
في نفس الوقت مش عايزك تتعلق اوي بالحاجات او الاشخاص او الاماكن او الكراسي لان الحاجات دي زي ما قلت و كررت مش دايمة فكر كدا هل هتاخد معاك اي حاجة منهم لما تنتهي رحلتك ؟
الاكيد الاجابة لا فان دورك الفعلي نشر الحب و صدقني دي اهم و اجمل طاقه فى الكون انك تكون و عاء و طاقة للحب و التفاؤل مش للهدم و الخراب .
خليك انت و انت بس و خليك طاقة نور تنير العالم و اوعي تسمع كلام الناس المخربة و لو سمعته قبل كدا حاول متسمعوش تاني و استمر فى طريق النور .
