حسب آخر استطلاع رأى عملته جريدة اقتصاد الشرق، البنك المركزى على الأغلب هيخلى نسبة الفايدة زى ما هى فى اجتماع الخميس الجاى.

• أصل الموضوع: من بنوك الاستثمار ال7 الى أتسألوا، 6 قالوا ان الفايدة هتفضل ثابتة عند %18.25، ولكن شركة بلتون بتظن ان الفايدة هتزيد %1.
• ليه ده مهم: الاقتصادي هانى جنينة صرح لكلابس أن السؤال الحقيقي  مش “هل” بل السؤال “امتى” هيرفع البنك المركزي الفايدة.
  • وأوضح الاقتصادى إن زيادة سعر الفايدة  ضرورى لعدة اسباب:
    معدلات التضخم القياسية، زيادة أسعار الوقود والنفط، وزيادة المعروض من الجنيه.
  • التوقعات المستقبلية واللى منها زيادة اسعار الكهرباء والوقود، وتعويم الجنيه.
  • هانى جنينة بيوافق استطلاع الرأى فى أن الفايدة مش هتتغير دلوقتي، خصوصا مع أزمة انقطاعات الكهرباء.
• و دلوقتى: جلسة البنك المركزي للسياسة النقدية الى بعد يوم الخميس هتكون يوم 21 سبتمبر.

مصادر جريدة البورصة: جهاز قطر للاستثمار عايز يشراء حصة المصرية للاتصالات (%45) فى فودافون الفترة ديه.

• أصل الموضوع: المصادر قالت ان الصفقة ممكن تتم الشهر ده، لكن الطرفين متفقوش على حجم الحصة.
  • القطرى عايز يشترى الحصة كلها، لكن الحكومة عايزة تخلى معاها %20.
• ليه ده مهم: أسهم المصرية للاتصالات زادت %4.6 مع اعلان الخبر امبارح، وقفلت على %2.79 بعد ما نفت المصرية للاتصالات استلام عرض رسمى.
  • حسب المصدر، حصة المصرية للاتصالات فى فودافون قيمتها 1.3 مليار دولار، الى هو قريب من القيمة السوقية للمصرية للاتصالات كلها.
• و دلوقتى: المصادر متوقعة أن الصفقة تتم قبل اخر سبتمبر 2023.

اعلنت البورصة المصرية عن تبديل 4 شركات فى مؤشر البورصة EGX30 كجزء من المراجعة النصف سنوية.

• أصل الموضوع: المراجعة النصف سنوية للمؤشر هدفها التاكد من ان  الاسهم الى فى المؤشر مطابقة مع شروطه. البورصة بتراجع وتغير الاسهم الى فى المؤشر حسب الشروط دى.
• الشركات الى دخلت المؤشر:
  • بلتون المالية
  • اوراسكوم للتطوير العقاري
  • بى انفستمنتس
  • شركة الاسكندرية لتداول الحاويات والبضائع
• الشركات الى خرجت من المؤشر:
  • تعليم لخدمات الإدارة
  • ابن سينا فارما
  • مجموعة مستشفيات كليوباترا
  • العاشر من رمضان للصناعات الدوائية (راميدا)
• و دلوقتى: مراجعة المؤشر الجاية هتحصل فى فبراير 2024.

بنك مصر المملوك للحكومة استثمر 6 مليار جنيه فى 5 شركات بالبورصة.

• أصل الموضوع: الشركات هى
  • الوطنية للإسكان للنقابات المهنية (%31.7)
  • فورى (%10.08)
  • الاسكندرية للزيوت المعدنية (%8.65)
  • اي فاينانس (%7.59)
  • نايل سات (%7.52)
• ليه ده مهم: البنوك بتستثمر فى البورصة كطريقة لاستخدام فائض الفلوس العندها لتوليد عائد و ارباح.
  و دلوقتى: بنك مصر والبنك الاهلى استثمروا قبل كدة 3 مليار جنيه فى مارس 2020.

• الحكومة بتاخد إجراءات  للتأقلم مع انقطاع الكهرباء، ومنها:
  • موظفين الحكومة عندهم اختيار الشغل عن بعد يوم الاحد لتوفير فاتورة كهرباء الحكومة.
  • زيادة استيراد المازوت لزيادة معدل توليد الكهرباء.
  • جدول للانقطاعات فى كل منطقة باستثناء المستشفيات والمناطق السياحية متوقع اصداره الاسبوع ده.
• سى ان ان عربى: مصر تستهدف انهاء توقيع بيع الأصول اللى تم الإعلان عنها سابقا بقيمة 1.9 مليار دولار في أغسطس، ومتوقع وصول النقد منها فى سبتمبر.
• المدير التنفيذى لشركة كونتكت قال أن الشركة ستصدر سندات توريق بقيمة أكثر من مليار جنيه فى الربع الثالث من العام.
• بى انفستمنتس تستثمر 300 مليون جنيه فى شركة “عز الدولية” من خلال تابعتها “بى فارما”.
• عز الدولية شركة تقدم خدمات لوجستية لقطاع الادوية، ,وتم اطلافها بشراكة بين
  • بى انفستمنتس، صيدليات العزبى، والصندوق السيادي المصري.
  • بى فارما مملوكة بنسبة %60 ل بى انفستمنتس و %40 ل ام ام جروب، وغرضها الاستثمار فى عز الدولية.