البنك العربي الأفريقي الدولي (AAIB) نزل شهادة إيداع لمدة 3 سنين بفايدة 40٪ مدفوعة مقدمًا.

• أصل الموضوع: شهادة البنك العربي الأفريقي الدولي (AAIB) بتتميز بفايدة مدفوعة مقدمًا بتوصل لـ 40% يعني تقريباً 13.3% كل سنة. البنك الأهلي المصري (NBE) وبنك مصر نزلوا شهادات إيداع بفايدة مدفوعة مقدمًا بالدولار من قريب.
• ليه ده مهم: الشهادة بتديك الفرصة انك تحصل على الفايدة دلوقتي بدل ما تستني.
  • ممكن تختار يجيلك كاش أسرع من خلال الشهادة اللي بفايدة مدفوعة مقدمًا بنسبة 40٪، أو أنك تختار الشهادات التقليدية بفايدة منتظمة وعادة بيكون نسبة الفايدة أعلى من الشهادة الأولى.
• و دلوقتى؟: البنك المركزي هيناقش أسعار الفايدة قريب،  بعد ما الفيدرالي قرر يزود أسعار الفايدة تاني.

موبكو والشركة الكيماوية المصرية (ECHEM) والشركة النرويجية “سكاتك” هيعملوا شركة جديدة لإنتاج الهيدروجين الأخضر والأمونيا الخضرة.

• معلومة كلابس: “الهيدروجين الأخضر” معناه استخدام الكهرباء من مصادر متجددة علشان تنتج هيدروجين، وعادةً العملية دى بتم من خلال عملية تحليل المياه. وبعدين بنستخدم الهيدروجين كوقود أو مادة في الصناعة.

  • “الأمونيا الخضراء” هي عملية إنتاج الأمونيا من خلال عمليات صديقة للبيئة.

  • وبيتم غالبًا من خلال دمج الهيدروجين الأخضر مع النيتروجين علشان يعملوا أمونيا اللي تعتبر مبيد حيويً قوي.

• أصل الموضوع: الشركات الثلاثة عندهم خبرات كبيرة في صناعات إنتاج الهيدروجين الأخضر والأمونيا.

  • شركة ECHEM مثلاً عندها خبرة في صناعة المواد الكيماوية، اما شركة “سكاتك” عندها خبرة في الطاقة المتجددة، وشركة موبكو بتمتلك خبرة في الأسمدة.

• ليه ده مهم: أوراسكوم للإنشاءات والسويدي اليكتريك شاركوا في مشاريع هيدروجين أخضر. ومع زيادة عدد المشاريع، الصناعة دي ممكن تخلق فرص استثمارية كبيرة.

• و دلوقتى؟: الشركات لسه بتقرر نسبة رأس المال وحصة الملكية اللي هتمتلكها كل شركة.

وزير قطاع الأعمال العام قابل شركة “إنجي” الفرنسية وشركة أوراسكوم للإنشاءات، وناقشوا بناء محطتين طاقة شمسية جداد علشان يزودوا منشآت مصر للالومنيوم بالطاقة.

• أصل الموضوع: المحادثات كانت عن بناء محطة طاقة لتوفير الطاقة للمجمع الحالي للألمنيوم في نجع حمادي ومحطة طاقة تانية للمنشأة الجديدة للألمنيوم في سفاجا.

• ليه ده مهم: شركة مصر للالومنيوم التابعة للحكومة أعلنت من قريب ان عندها خطط لتوسيع وتحديث منشآتها.

  • وده ممكن يساعد استخدام الطاقة الخضراء في زيادة فرص التصدير إلى أوروبا، خاصةً أن تكلفة الكهرباء بتوصل لحوالي 40٪ من تكاليف إنتاج الألومنيوم.

• و دلوقتى؟: مفيش تفاصيل عن حجم أو تكلفة المحطات الكهربائية، ولا عن إسهامها في احتياجات مصر للالومنيوم من الكهرباء.

• مصادر لـ”اليوم السابع” قالت إن انقطاع تيار الكهرباء ممكن يستمر لحد نص أغسطس.

  • وزارة الكهرباء ورئيس الوزراء كانوا قالوا قبل كده أن المشكلة هتتحل قبل الأسبوع ده، ومتوقعين ان الطلب على الكهرباء هيقل.

  • نقص الغاز الطبيعي هو السبب الرئيسي للمشكلة دي.

    
    

• شركة مصر للفنادق تنفي أي أخبار تتعلق بارتفاع سعر سهمها بنسبة 23.35% من يوم 19/07 ليوم 26/07.

  
  

• مصر هتعمل مبادرة للمواطنين بالخارج علشان يسووا موقفهم التجنيدي.

  •  التسجيل هيكون بقيمة 5000 دولار وهيفتح لمدة 30 يوم بس، بداية من 14 أغسطس.

  • ليه ده مهم؟ دي مبادرة تانية من الحكومة علشان تزود احتياطيها من العملات الأجنبية