السلام الذاتى
البعض هيفتكر ان السلام الذاتى دا حاجة صعبة اننا نمارسها.
لكن حقيقة الامر ان مفيش حاجة صعبة الا لو احنا قلنا جواه دمغنا انها
صعبة بالفعل انما لو قررت انك تغير نفسك بجد هتتغير .
طب انا محتاج ايه يا احمد عشان احاول اغير نفسى ولا حاجه محتاج نفسك بس .
ايه اللى انت بتقوله دا بكل بساطة انت محتاج انك تكون نفسك كثير جدا
مننا بيلبس كل يوم قناع مش بتاعه ووش مش وشه دا عادى للاسف عشان الحياة علمتنا كدا لكن فى حقيقة الامر الكلام دا مضر مش مفيد لانه بيستهلك طاقة كبيرة جدا مننا عشان كدا لازم تتعلم من النهاردة انك تكون نفسك و نفسك بس يعنى انت مش اهلك اللى عايزينك تبقى مهندس عشان تشيل حرف T ورا ظهرك وخلاص ولا ضابط و خلاص و لا موظف بنك و خلاص .
انت لازم يكون ليك شخصية محددة عارف انت عايز تبقى ايه بالضبط و لك هدف او اهداف بتجرى عليها بس من غير تعلق بمعنى ادق مش مرتبط بيها اوى نفسك تحققها بس بعقل وكل شىء هيجى ورا بعضه مفيش داعى للعجلة او التسرع لكل شىء وقت محدد .
عايز اقولك انك لما هتكون نفسك وتعبر عن مشاعرك ايما كانت هى ايه بالضبط هتعرف وقتها مين انت.
بعد كدا عايزك او عايزك لو انتى بنت انك تخصصى فى اليوم على الاقل
عشر دقايق بس على الاقل تقعدى فيهم مع نفسك تهتمى بيها و تدلعيها لانها محتاجه دلع مش عايزك تبقى قاسيه عليها لان القسوه وحشه
سواء كنت رفيع طخين قصير طويل اقبل نفسك انت حاجه كويسه وجميله ربنا خلقك جميل بس من كلام الناس عليك بقيت بتلزق على قفاك حاجات و تيكيكتات مش بتاعتك زى دبوبه الرفنوعه القزعه كن فخور بنفسك اوى اوى بجد و اشكر ربنا كثير لان لما هتقرب اوى من نفسك هتكتشف انك هتحب ربنا اوى لان هتلاحظ انه اداك كثير بس انت مبقتش بتشوف عايز تحقق تارجت والسلام و فلوس و تتجوز و تجيب عيال و تعلمهم ساقيه وخلاص لو سالتك ليه؟
ممكن فى كثير ميجاوبش طب شغال الشغلانه دى ليه ؟ مش عارف
اقعد مع نفسك
