غزاه
الكنز المفقود
يمكن كان في فيلم زمان لانديانا جونز اسمه غزاه الكنز
المفقود الصراحة كنت بحبه للمثل هاريسون فورد فى الفيلم دا انديانا بيدور علي كنز
مفقود من زمان جداً جداً طب ياتري احنا بندور علي انهي كنز مفقود .
عايز
اقولك ان الكنز المفقود هو انت !.
او بمعني ادق الكنز الدفين جواك انت لو قلت لك ان في
كتير مننا مش عارف اساساً الكنز دا فين و لا الهدف بتاعه ايه او جه الدنيا يعمل
ايه اساساً مش هتصدقني بس دي حقيقة فعلاً مش عايز اقولك ان انت ذات نفسك ممكن
لغايه اللحظة دي مش عارف انت ايه كنزك المفقود .
طب يا تري امتي اخر مرة قعدت فيها مع نفسك ؟
طب انت شاطر في ايه ؟ بتحب ايه ؟ و مش بتحب ايه ؟
هل انت اساساً بتحب نفسك ؟ اسئلة كتيرة يمكن تكون سمعتها
اول مره في حياتك او الحياة خدتك انك حتي متكش فكرت فيها من اساسه يعني عايش كدا و
السلام زي ما بيقولوا اهو كل يوم زي اللى قابله .
النهاردة عايز اقولك ان كل واحد فينا جواه كنز مفقود بس
كل اللى محتاجه انك تقعد مع نفسك عشان تعرف الكنز دا فين و ايه بالضبط و في الحته دي
بتحتاج وعي و يمكن وقت و يمكن انك تكون في اوقات كتيره صادق مع نفسك عشان تعرف انك
عايز تعرف ايه جواك عن نفسك بالضبط .
الصدق مهم صدقني ان هتلاقي جواك اوضه الكراكيب دي مليانه
حاجات و في منها اكيد حاجات كتيرة تكون مش بتحبها فى نفسك هنا هتكلم عن القبول انك
تكون قابل كل اللى هتشوفوا فى الاوضه دي من وحش قبل حلو .
القبول دي معيار جميل و طريق طويل انك تقبل كل اللى
هتشوفوا في طريقك مش الحلو بس مش الربح بس يعني تقبل خسارتك قبل ربحك وحشك قبل
حلوك خلي نفسك حر في قبول اى حاجة تطلع لك لما تقعد مع نفسك و صدقني هتلاقي مفاجأت
في الاوضه دي حلو ووحش و لما تقبلها علي مراحل هتحس بفرق كبير جداً جداً .
