كيف تتصدر المراكز الاولى فى محركات البحث بجوجل و ياهو و غيرهم هنا ستتعلم كيفية بناء مدونة و موقع ناجح قصة واقعية
السلام عليكم و رحمه الله وبركاته
عمرك فكرت انك نفسك يكون عندك موقع مدونة و يجيلك كل
يوم زوار كثار جدا جدا يعنى تبقى زى مستفيدون مثلا او محمد هلال و غيرهم من المدونين الكبار .
عايز اقولك على تجربتى من الفشل الى بدايات النجاح باذن الله و هقولك ليه بدايات النجاح لان ان شاء الله لما اتنقل من المركز 16000000 على العالم الى انى اصبح 700 الف على العالم و تقريبا ال 8 الف على مصر يبقى اكيد فى حاجات عملتها صح اتسببت فى دا كله .
ارجوك اقرا الموضوع للاخر واوعى تستهين به لان والله تجربة حقيقية واقعية هتفرق معاك لان هشرحلك انا عملت ايه غلط كان ماخرنى اوى اوى و غيرى موقعه فى الصدارة.
صراحة انا ما لفتش نظرى للموضوع الصدارة دا الا لما ام ساره قالت لى كلمة قبل كدا انت لازم تركز على موضوع محدد بس لان كان عندى زمان قناه يوتيوب الله يرحمها كان اسمها princeshetos و اللى انتهت بالفشل للاسف بس كانت تجربة علمتنى كثير اوى اوى منها كنت عامل قناة بتاعة كل حاجه سمك لبن تمرهندى افلام على ضحك على ربح من انترنت كان فى دماغى انى لما انوع هيجيب دا زوار كثار وكمان مشاهدات و زيارات و انى هبقى شادى سرور او محمد هلال او ام ساره لانهم قدوه ليا و عايز ابقى زيهم
وهنا كان المقلب الكبير ان قناتى فى اواخر ايامها كان اقصى عدد
مشتركين فيها 5 الالف فى حين فى ناس كنت بعملهم بدؤا
قبلى بقى عندهم 15 الف مشترك طبعا ربنا يزيدهم انا مش بحسد
لكن هنا كان لازم فى وقفه مع نفسى و انى اقول اكيد فى حاجه غلط انا بعملها هى اللى اتسبب فى دا
افضل طريقة عن تجربة تتعلم منها هى انك تتفرج و تشوف و تلاحظ
و تجرب بنفسك وتشوف ايه الغلط اللى انت بتعمله و متعملوش
طب مسكت قناه محمد هلال لقيته بيشرح ربح من انترنت و تقنية طب الله دول بس مفيش الش او حاجه تانية لقيته لا
ام ساره لقيتها بتشرح ربح من انترنت و افليت يعنى مجال واحد
او مجالين ليهم علاقه ببعض اذن فى حاجه هنا انا مش مدركها ومش شايفها ومن هنا عرفت انك لازم تركز على موضوع واحد محدد بعينه تكون متخصص فيه ومن هنا قريت و عرفت معنى
كلمة النيتش
الدرس الاول : النيتش اى مجال محدد للعمل به
النيتش هو الخطوة الاولى للربح من مجال الافليت موضوع و فيديو شرح مبسط للربح من الافليت لذلك لا تربح سنت واحد
قعدت فى يوم كدا مع نفسى وقلت ايه اكثر حاجة يا احمد انت
ممكن تتكلم فيها و تفهم فيها لقيت انها مجال الربح من الانترنت
و الربح من العمولات و الافليت يعنى الحمد لله عندى خبرة
مش بطالة فيهم خلاص يبقى اول حاجه هعملها مدونة
للربح من الانترنت فقط و فقط وبس مش هحط اى موضوعات
ثانيه ملهاش لازمة ملهاش علاقه بالمجال وكانت المفاجأه ان فعلا
ترتيب اليكسا بدأ يقل و بقت صفحاتى فى محركات البحث بصورة افضل و اوقع .
الدرس الثانى لا تنقل من احد و لا تأخذ كوبى بيست و الا هتضيع و متنشرش فى المنتديات كوبى بست موضعاتك و تظن انك تجيب زوار
كنت بعمل كدا بعد كدا بقيت بعمل حاجه افضل اسمها الباك لينك
يعنى ايه باك لينك
يعنى اخش الموقع اكتب عنوان و رابط مدونتى يبقى عملت بالموقع نافذه ليا زواره يجولى و يبقى الخير كثير باذن الله
كمان فى موقع ممتاز فى عمل الباك لينك لمدونتك هتشوف فعلا
الفرق كل ما عليك تضع الرابط و هو بيبعته لاكثر من مدونه
ليضيفك فيها و يعملك ابواب خلفية
موقع بيعمل باك لينك ممتاز
الدرس الثالث اشترى قالب مدفوع محترم عشان تقدر تكمل
و يا سلام لو سريع او انت رابطه بسيرفير سريع او استضافة يبقى اتعشت معاك اوى ليه لان سرعة الموقع بتاثر على محركات البحث
و تخلى الزائر يجيلك و يبقى مش زائر دا زائر دائم و مربح كمان
اعمل مواضيع حصرية انت كاتبها مش ناقلها و استعمل مدونة لا تسمح بالنقل حتى لا ينقل الناس منك و ياثروا علي ترتيبك ولاد الحرام كثير صدقنى عن تجربة خمس سنوات فى المجال
انشر فى صفحات الفيس بوك اللى ليها صلة بموضوعات انت
بتتكلم فيها وكمان جروبات ليها صله بموضوعك بس
اهم شىء متنقلش الموضوع هنا اللينك و كلمتين و بس
لان حصلت معايا حد ابن حلال نقل موضوع بالنص و حطه
عنده اثر بالسلب على ترتيبى فى البحث بس الحمد لله محدش بيتعلم ببلاش
مفيش مستحيل طبعا اهم شىء عدم نقل المواضيع بص
باختصار كدا يا انت هتكتب يا حد هيكتبلك بس طبعا هيبوظلك
الدنيا يبقى انت تكتب بنفسك افضل دا رايي
هيجيلك زوار هتبدا ب 10 ثم 20 الى ان تصل الى 1000
وبعد كدا 20000 و بعد كدا 50000 احلم براحتك
و حلمك باذن الله هيتحقق طالما بتسعى انك تحققه
الدرس الرابع اتعمد جوه كل موضوع تربط لينكات لمواضيع تانيه طب طب دا مفيد فى ايه فى انك تعمل لينكات بالمدونه تربطها
ببعضها بالتالى الزائر اولاً بيتنقل من موضوع لموضوع و يطول فى المدونة الثانى انه بيعمل خريطة حلوة للموقع بتساعدك فى الارشفه جامد اوى اوى
اعلانات هامة
كلشى طبيعى لمن يعانى من الضعف العام اعشاب طبيعية غنيه بالفيتامينات للرجال
اتفرج على فيديوهات كثيره عن مجال السيو
SEO
لانه مجال بحره واسع جدا و بالتالى هيعرفك ازاى تمسك كلمات
مفتاحية تخليك فى مقدمه البحث و محركات البحث و طبعا كل لما
زاد زوارك زادت معاها الارباح بتاعتك
ابعد عن اشكال الترافيك الوهمى لان دا مش هيفيد موقعك
ببصله زى اخونا هيت ليب و 10 كيلو كاش
كل دا فى القلقاس ولا هيقدمك خطوه اساسا كلها
مواقع نصابه بتستخدم بوتات تضر بالمواقع اكثر ما تفيدها بالتالى
ترتيبك مش هيتقدم بالاضافه ان شركات الاعلانات هترفدك
لما تعرف انك بتستخدمهم
جرب هذه الخطوات و سترى الفرق بنفسك على محركات البحث
ستجد نفسك فى القمة و فى المراتب الاولى باذن الله
اقرأ عن السيو SEO و كيفية كتابة الموضوعات
حتى تتصدر محركات البحث
