انت مش رقم

يعني انت مش قيمه البيع اللى بتحدد انت كويس ولا لا

انت مش الرقم انت وعي خالص و ليك هدف فى الحياة عمر ما كلام الناس هيقول انت حلو ولا وحش وانت مش هتسمح بدا لان لو سمحت بيه يبقى انت اللى حددت قيمتك بالشكل دا و بالصوره دي

الحياة مش الشغل بس و خلاص لان مش معقوله ان تكون اتخلقت عشان تشتغل و بس اكيد ربنا خلقك عشان تستمتع و تعيش حياه حلوة يعني تستمتع بالبحر و الراحه و جمال الطبيعه و السحر الموجود حوليك فى كل حته

ربنا خلق حاجات كثيره رائعه وحلوة كل ما عليك الايمان بدا و بس مش مطلوب منك انك ترضي حد و السلام او انك تلغي نفسك عشان حد ولا حتي انك تغير نفسك عشان حد معين انت انت وبس

لما هتنمو فى الوعي هتعرف الكلام دا ان مفيش حاجه مستاهله تموت نفسك عليها حتي الفلوس ملهاش لازمه لما هتموت مش هتاخدها معاك خالص

كله فان والى زوال قيمتك انت اللى بتحددها اعتبر انك بتحدد سعرك وان كل حاجه ليها ثمن هتشتغل فى حته كتير هتاثر على حاجات تانيه الحياة كدا عشان كدا مطلوب منك انك تعمل توازن علي اد ما تقدر

و يومكم جميل