مجلس إدارة شركة سيدي كرير وافق على التقييم المالي الخاص بشركتي سيدي كرير وإيثيدكو قبل عملية تبادل الأسهم.

• أصل الموضوع: المستشار المالي “بيكر تيلي” قيمت شركة سيدي كرير بـ 23.13 مليار جنيه، بواقع 30.6 جنيه لكل سهم، وإيثيدكو بـ 1.8 مليار دولار، بواقع 78.32 دولار للسهم. دة بالإضافة لإن مجلس إدارة سيدي كرير وافق على إن سعر الصرف لتبادل الأسهم يكون 30.9 جنيه للدولار.

• ليه دة مهم: تقييم “بيكر تيلي” لسيدي كرير أكبر بنسبة 33.6% من سعر إغلاق السهم يوم 4 يوليو 2023، ولكن بالرغم من كدة، سهم سيدي كرير أغلق عند مستوى 23.81 جنيه بعد الإفصاح عن التقييم.

• ودلوقتي؟: الخطوة اللي جاية في عملية  استحواذ سيدي كرير على إيثيدكو هتكون الموافقة على التقييم من مراجع الحسبات.

مؤشر مديري المشتريات لمصر وصل لأعلى معدل ليه من سنتين بتجيل 49.1 نقطة.

• أصل الموضوع: مؤشر مديري المشتريات بيعكس مجموعة من لمؤشرات الفرعي زي مستوى العمالى والإنتاج، واللي بتستخدم لقياس اتجاه الاقتصاد.

• المستوى دة لمؤشر مديري المشتريات بيعكس أقل تباطئ للإنتاج من سنتين تقريبًا، الضغوط التضخمية كمان فضلت أقل من أعلى مستوى وصلتله في يناير. 

• ليه دة مهم: المؤشر بيتم استخدامه كواحد من المؤشرات الاقتصادية والمالية اللي بترشد الجهات المالية العالمية، وبيوضح بعض التفاصيل في الاقتصاد المحلي بصفة عامة.

• ودلوقتي؟: المحلل الاقتصادي في S&P Global، الوكالة اللي بتصدر المؤشر، قال إن لو المؤشرات الفرعية أصبحت أفضل، فثقة الشركات في الاقتصاد.

رئيس البورصة رامي الدكاني قال إن البورصة حاليًا بتتفاوض مع شركات من القطاع الخاص علشان يتم إدراجها في البورصة المصرية، دة بالإضافة لإن أذون الخزانة هيتم البدء تداولها خلال الربع الثالث من 2023.

• أصل الموضوع: “الدكاني” قال إنه بيتم التركيز على الشركات اللي بتصدر منتجاتها أو عندها إيرادات بالعملة الصعبة، وكمان شركات السياحة، الطاقة، وقطاع البتروكيماويات.

  • البورصة كمان خلصت تأسيس الشركة المسؤولة عن تداول أذون الخزانة في البورصة.

• ليه دة مهم: بحسب المحللين، القطاعات اللي البورصة مهتمة بيها تعتبر قطاعات جاذبة للمستثمرين، دة بالإضافة لإن تداول أذون الخزانة بيخلي فيه سيولة أكبر للمستثمرين فيها.

• ودلوقتي؟: البورصة كمان بتخطط إنه يتم إتاحة تداول أذون الخزانة للمؤسسات الأول وبعدين يتم التفكير في إتاحتها للأفراد.
  

• مجموعة كونكورد انترناشيونال انفستمنتس وصندوق مصر السيادي يوقعان مذكرة تفاهم لتأسيس صندوق بحجم مبدئي 300 مليون دولار للاستثمار في القطاع الصحي
  
  

• عجز الميزان التجاري يزيد في إبريل لأول مرة من أكتوبر 2022، حيث قلت قيمة الصادرات بنسبة 44.9%، والواردات قيمتها قلت بنسبة 27.4%
  
  

• مصر تخصص أراضي لشركة سكاتك النرويجية لإقامة محطة طاقة الرياح بقيمة 5 مليار دولار