النهارده هنحاول نلخص كدا بعض الاستراتيجيات الهامه اللى بتتبعها بعض الشركات
يمكن تكون عارفها او بتسمع عنها لاول مره المهم حبيت انى اشاركها معاك النهارده 
المهم فى معلومة مهمه خليها فى دماغك ان الإستراتيجية اللى ممكن تنفع فى فتره ممكن متنفعشفى فتره تانيه يعنى تتغير مع الوقت 
استراتيجية النمو 
باختصار كدا الشركة فى وضع مالى يمكنها من انها تزود من حجها و من حصته السوقية يعنى حصتها اللى فى السوق .
المدير الاستراتيجى فى الإستراتيجية دى بيعمل ايه بيعمل انه يجمع نقاط القوة اللى عنده و يستخدمها
فى النمو و النمو دا ممكن يكون نمو ذاتى يعنى بالبلدى كدا انك تستغل الموارد الذاتية فى النمو الموارد المتاحه عندك .
ممكن برضه تجذب عملاء المنافس يعنى تستغل العملاء الحاليين و برضه تترجت على عملاء المنافس
ممكن برضه تركز على المنتج يعنى تطور المنتج بتاعك او تضيف ليه حاجات و خصائص جديده.
التركيز على التكنولوجيا يعنى نركز على الالات و نزود من كفاءتها وقوتها .
استراتيجيه التكامل يعنى المنظمة تعمل كوكتيل من الاسترتيجيات مع بعض سمك لبن تمر هندى.استراتيجيه التنوع معناها ان الشركة تقدم منتجات على خدمات على اسواق جديده الهدف انها تدخل فى بعض الاعمال و بالاخص لو مركزها المالى قوى .
إستراتيجية الاستقرار دى معناها ان الشركة مش عايزه تنمو عايز تحافظ على وضعها اللى فى السوق تستقر يعنى منها استراتيجة التقاط الانفاس يعنى الشركة بعد ما حققت نجاح كبير قالت تاخد نسها بس فى نفس الوقت متسيبش مكانها اللى فى السوق .
الانكماش لما الوضع المالى يبقى صعب فالشركة تنكمش تكشكش العمليه شويه يعنى تقلل العمليات الانتاجيه .استراتيجية المحيطات الزرقاء دى استراتيجية توصل اليها اثنين علماء قالك مش شرط ان الشركه عشان تنجح يكون مركزها التنافسى فى السوق جامد لا ممكن تعمل سلع فى اسواق مش بتجذب المنافسين وبالطريقة تجذ الزباين الجدد لمنتجاتها و سوقها الجديد .وبكده نكون حولنا نوصل الفكره كان معكم احمد مجدى من مكان ما على كوكب زحل عشان الارض فيه كورونا
