اليوم أصدقائنا المتابعين و المشاهدين اينما كنتم اسعد الله مساؤكم بكل خير نستكمل قرارات البنك المركزى الجديدة للافراد واذا كانت دى اول مره تتابعنا فنستاذنك انك تفعل زر الاشتراك عشان يجيلك كل شىء جديد

نخش على المفيد اهم قرارات الافراد

البنك المركزى يصدر قرار بالغاء الافراد اللى نازلين فى القوائم السلبية اقل من الف جم و لمره واحده يقوم بها البنوك بمعنى كنت زمان تلاقى واحد نازل قائمة سلبية عشان عليه ٩٠٠ جم فى كدا اه كان فى و فى ناس كانت بتنزل العملاء اللى مستلموش البطاقات الائتمانية بتاعتهم و فى بينزل المصاريف بتاعه البطاقه الإئتمانية اللى اساسا العميل ما ستلمهاش وعشان كدا البنك المركزى اصدر قرار ان اى حد اقل من الف او مصاريف او عملات بس مينزلش قائمة سلبية و دا فى مصلحتنا كلنا بنتكلم عن الافراد

عشان كدا البنك المركزى قال كل بنك يراجع القائمة السلبية بتاعته و يشيل الناس اللى نازله غلط فيها عشان حالهم ميقفش على حاجه ملهمش زنب فيها

مش كدا و بس لازم البنك يبلغك بخطاب مسجل بعلم الوصول لو انت عليك متاخرات قبلها بشهر على الاقل و طبعا دا غير ان البنك بيبعت لك رسايل على موبايلك اللى اساسا اغلبنا ممليه للبنك غلط عشان كدا نصيحه لازم على طول تحدث بياناتك فى البنوك باستمرار عنوانك و تليفونك الخ

قال كمان عدم تحميل البطاقات الإئتمانية بمصاريف الا بعد لما تمضى على استلام البطاقه و تفعلها سواء بقى اصدار جديداو تجديد عشان يتاكد أنك عايز تستخدمها فعلا و بكدا نضمن انك بتستخدمها و بتتبلغ بمده كافيه بالتاخيرات وانك هتتحط قائمة سلبية لو مش هتدفع اللى عليك.

طبعا فءات التصنيف للافراد سبع فءات بتبدا بالعميل المعدم يعنى العميل اللى البنك غلب معاه وطلع عينه و مش هيدفع جنيه و يليه المتوقف و المتوقف هنا معناها

عميل وقف عن السداد ١٨٠ يوم متصله يعنى ورا بعضهم تمام كدا

طبعا الاثنين دول ممنوع يتعاملوا مع البنوك

يعنى محظور التعامل معاهم مطلقا .

طبعا فى بعد كدا العملاء القضايا و الجدوله والتسويه اللى يطلق عليهم حظر مشروط دول المركزى اتاح حريه التعامل معاهم

طب يا مجدى انا سددت المتاخرات البيانات دى تفضل ظاهره فى الشركه اد ايه ؟ ست شهور و تتشال

طب يا مجدى انا سددت فى اطار تسويه بياناتى تفضل فى الشركة اد ايه ؟ سنه وتتشال

بص يا سيدى بقى القرارات دى كدا فى مصلحتنا كافراد ليه اقولك ليه لان كان زمان تقعدلك سكه خمس سنين ظاهره عليك انك سددت فى اطار تسويه او ثلاث سنين لو سددت بالكامل وكل بنك يقولك لا دل كان و كان وحلنى بو حد ادالك شلن

فى النهاية

كان معكم احمد مجدى من مكان ما على كوكب الارض دمتم بود.