الهند قررت تزود ضريبة 20% على صادراتها من الرز المسلوق جزئيا.
أصل الموضوع: الهند بتزود صعوبة تصدير سلعة الرز. سابقاً، الهند منعت تصدير كل انواع الرز الابيض والرز المكسور الا البسمتي.
دة بيأثر على تقريباً 80% من صادراتها من الرز، والرز النصف مسلوق لوحده بيمثل تلت شحنات الهند من السلعة.
ليه ده مهم: كأكبر مصدر رز في العالم بحصة 40%، مع وصول أسعار الرز في آسيا لأعلى مستوياتها من 15 سنة، زيادة شدة حظر التصدير ممكن يعلى أسعار الرز أكتر.
ودلوقتي: الضريبة هدفها المحافظة على استقرار السوق المحلي للرز
فى الهند. الرز هو أكلة ثابتة لتقريبا نص سكان العالم.
مصطفى النجارى، رئيس شعبة الرز، قال إن الحظر مش هيأثر على مصر لإن عندنا رز مزروع يكفينا غير المخزون الاحتياطي اللي عندنا من الهند.
حسب مصادر إقتصاد الشرق، الحكومة المصرية تدرس طرح رخص جديدة لتصنيع الحديد المسلح.
أصل الموضوع: المصادر قالت للشرق إن شركة الصلب القابضة الروسية “نفوستال-ام” تنوى استثمار 500-400 مليون دولار في منشآت تصنيع الصلب فى مصر.
ليه ده مهم: فى 2023 تعويم الجنيه زود تكاليف صناع الصلب فى مصر. فى نص السنة الأولى تصنيع الصلب قل 18% على أساس سنوي، والمصنعين عملوا خسائر “فروق العملة”.
الشركات الاجنبية عندها قدرة توفير الصلب لما الشركات التانيه تواجه صعوبات فى العملة الصعبة، بجانب ضخ العملة الصعبة إلى الدولة فى حاجة ليها.
ودلوقتي: دعوة مصر لتحالف البريكس الدولى وتوقعها المشاركة فى يناير، بالإضافة إعلان روسيا عن رغبتها لتوجية تجارتها لدول التحالف، استثمارات دول التحالف فى مصر ممكن تزيد مع زيادة الدعم والترابط السياسى.
أسعار الغرف الفندقية في مصر زادت بسبب زيادة نسبة السياح.
معلومة كلابس: نسبة الأشغال في الفنادق هي نسبة الغرف المتاحة اللي حالياً بيقيم فيها زائرين.
أصل الموضوع: نسبة الأشغال زادت لـ80% في 2023 مقارنة بـ65% بس في نفس الوقت السنة اللي فاتت.
ليه ده مهم: الزيادة في نسبة الأشغال كان سببها زيادة عدد السياح واللي وصلوا لـ7 مليون في النص الأول من 2023 مقارنة ب5 مليون في النص الأول من 2022.
علي فكرة: مصر هدفها توصل لـ15 مليون سائح في 2023.
ودلوقتي: أسعار حجوزات الفنادق متوقع إنها تزيد بنسبة 30% السنة اللي جاية، حسب مصدر للشرق.
الهيئة العامة للاستثمار والمناطق الحرة وافقت على بناء مدينة ‘طربول’ الصناعية في الجيزة.
أصل الموضوع: شركة ‘جي في’ للاستثمارات هتطور المدينة الصناعية الجديدة على مساحة بتوصل لـ26 ألف فدان.
تربول هي مدينة صناعية متعددة الأغراض فيها مرافق متنوعة للإنتاج المستدام وإقامة العمال والوظايف الإدارية.
معلومة كلابس: المدينة الصناعية مخصصة بشكل أساسي للأنشطة الصناعية، أما توفر المناطق الاستثمارية بتقدم حوافز لجذب الاستثمارات في مختلف القطاعات.
ليه ده مهم: المدينة الصناعية هتحتاج لـ500 مليار جنيه لتطويرها ومتوقع انها توفر 750 ألف فرصة عمل.
ودلوقتي: المشروع هيساهم في زيادة عدد المناطق الاستثمارية في مصر واللي عددهم الحالي 16.
مجلس إدارة ‘عامر جروب’ وافق على استقالة المدير التنفيذي، ‘حسني هاني’
مجلس الإدارة بيقترح إنه يتم تعيين ‘أمجد حسين’ مكان ‘حسني هاني’
