| مع انطلاق برنامج الطروحات، بتطلع كل شوية معلومات جديدة عن آخر تطوراته.
فريق كلابس جمع لك كل المعلومات اللي محتاج تعرفها عن البرنامج بكل بساطة. المعلومات كلها جاية من من وثيقة خاصة بآخر مستجدات برنامج الطروحات، تم تسريبها للإعلام يوم الثلاثاء.
ملخص سريع: هدف برنامج الطروحات
الهدف الأساسي من برنامج الطروحات في مصر هو تشجيع القطاع الخاص على لعب دور أكبر في اقتصاد البلد وزيادة الاحتياطي من العملات الأجنبية من خلال بيع حصص مملوكة للدولة في شركات معينة. البرنامج كمان بيتوافق مع شروط برنامج مصر مع صندوق النقد الدولي.
ازاي بتتم عملية الخصخصة؟ الخصخصة بتكون من خلال طرح حصص مملوكة للحكومة وبيعها في البورصة أو البيع مباشرة لمستثمر استراتيجي.
ايه هي الشركات اللي في القايمة؟
مصر كانت عملت قايمة بـ 32 شركة (واللي بحسب الوثيقة بقوا 35 شركة). ودول الشركات اللي الحكومة عايزة تطرح حصص منهم في البورصة أو بيعها مباشرةً لمستثمرين استراتيجيين. جاهز للتفاصيل؟
· الشركات اللي تم إضافتها مؤخرًا للقايمة: المصرية للاتصلات، عز الدخيلة، وشركة الشرقية للدخان
الحكومة باعت حصص مملوكة ليها في عدد من الشركات، جوا القايمة وبرا القايمة، وهم:
· البنك التجاري الدولي، أكبر بنك خاص في مصر، وواحد من أكبر الشركات في البورصة
o حصة الحكومة اللي تم بيعها: 17.15%
o المشتري: أبو ظبي القابضة ADQ
· فوري، أبرز شركة للدفع الإلكتروني
o حصة الحكومة اللي تم بيعها: 12.6%
o المشتري: أبو ظبي القابضة ADQ
· أبو قير للأسمدة، واحدة من أكبر منتجي الأسمدة النيتروجينية المصرية. شركة بارزة في مجال التصدير وعادة بتظهر أداء كويس وقت تخفيض قيمة العملة
o حصة الحكومة اللي تم بيعها: 21.5%
o المشتري: أبو ظبي القابضة ADQ وصندوق الاستثمارات العامة السعودي
· موبكو، من أكبر شركات الأسمدة النيتروجينية في مصر
o حصة الحكومة اللي تم بيعها: 45%
o المشتري: أبو ظبي القابضة ADQ وصندوق الاستثمارات العامة السعودي
· الإسكندرية لتداول الحاويات، أول شركة خاصة بتداول الحاويات في مصر، بمحطات في مواني الإسكندرية والدخيلة.
o حصة الحكومة اللي تم بيعها: 52%
o المشتري: أبو ظبي القابضة ADQ وصندوق الاستثمارات العام
· إي فاينانس، تأسست لبناء البنية التحتية الرقمية ونظم الدفع الرقمي للحكومة، واكتسبت بسرعة شهرة كواحدة من أبرز شركات التكنولوجيا المالية في مصر.
o حصة الحكومة اللي تم بيعها: 25%
o المشتري: صندوق الاستثمارات العامة
· باكين، من أشهر شركات الدهانات في مصر
o حصة الحكومة اللي تم بيعها: 81%
o المشتري: شركة الأصباغ الوطنية الإماراتية
· سبعة فنادق تاريخية كانت تابعة لشركة “إيجوث”، وتم ضمهم تحت شركة تابعة خاصة (سوفيتيل ليجند أولد كتاركت أسوان، منتجع موڤنبيك أسوان، سوفيتيل وينتر بالاس الأقصر، فندق شتايجنبرجر تحرير، فندق شتايجنبرجر سيسل الإسكندرية، ماريوت مينا هاوس القاهرة، وماريوت عمر الخيام الزمالك)
o حصة الحكومة اللي تم بيعها: 37% من الشركة القابضة
o المشتري: إيكون، التابعة لمجموعة طلعت مصطفى
o بكام؟ 700 مليون دولار
· ايثيديكو، واحدة من أهم شركات الإيثيلين ومشتقاته في مصر. وهيتم الاستحواذ عليها تمن شركة سيدي كرير للبتروكيماويات، من خلال تبادل الأسهم. وده هيمنحهم تقريباً استحواذ شبه كامل على السوق
o حصة الحكومة اللي تم بيعها: 30%
o المشتري: أبو ظبي القابضة ADQ
· إيلاب شركة كيماويات بارزة متخصصة في إنتاج ألكيل البنزين، المكون الأساسي للمنظفات القابلة للتحلل. وبتنتج كمان البنزين التقيل المستخدم في التشحيم وزيوت نقل الحرارة.
o حصة الحكومة اللي تم بيعها: 35%
o المشتري: أبو ظبي القابضة ADQ
· الشركة الوطنية للحفر، شركة رائدة في مجال النفط والغاز بتقدم معدات، ودعم فني، وصيانة آبار النفط
o حصة الحكومة اللي تم بيعها: 25%
o المشتري: أبو ظبي القابضة ADQ
· العز الدخيلة، أحد الشركات التابعة لشركة حديد عز، أكبر مصنع للصلب فى مصر، بطاقة إنتاجية سنوية 3.2 مليون طن من منتجات الصلب
o حصة الحكومة اللي تم بيعها: 31%
o المشتري: حديد عز
o بكام؟ 241 مليون دولار
الفلوس اللي اتجمعت من البيع لحد دلوقتي (من مارس 2022 حتى يوليو 2023): 5 مليار دولار
الشركات اللي لسه متباعتش:
الحكومة عايزة تجمع 5 مليار دولار إضافية بين أكتوبر 2023 ويونيو 2024.
· وطنية، واحدة من أبرز سلاسل محطات البنزين في مصر
o الحصة: غير محددة
o التاريخ المتوقع للبيع: أكتوبر – نوفمبر 2023
o المهتمين: طاقة عربية، أدنوك، بترومين، واينوك
o بكام؟ العروض الأولية بتتراوح بين 250 لJ 280 مليون دولار، حسب الشرق
o القصة
· محطة جبل الزيت محطة للطاقة المتجددة بطاقة بتوصل ل 580 ميجاوات
o الحصة: غير محددة
o التاريخ المتوقع للبيع: أكتوبر 2023
o المهتمين: أكوا باور، إنفينتي والكازار إنيرجي لتوليد الكهرباء
o بكام؟ المستهدف 300 مليون دولار
· صافي، من أكبر شركات تعبئة المياه
o الحصة: غير محددة
o التاريخ المتوقع للبيع: ديسمبر 2023
o المهتمين: مستثمرين غير معلن عنهم
o بكام؟ غير محددة
· محطة رياح الزعفرانة للطاقة الرياح, متواجدة في السويس، وهي محطة للطاقة المتجددة بقدرة بتوصل ل 544.82 ميجاوات
o الحصة: شركة ميرسك هتحصل على أول أربع مراحل والمراحل الأربعة التانين هيروحوا لمستثمرين في مشاريع الهيدروجين الأخضر
o التاريخ المتوقع للبيع: ديسمبر 2023
o المهتمين: ميرسك، أكوا باور، إنفينتي والكازار إنيرجي لتوليد الكهرباء
o بكام؟ غير محددة
· محطات سيمنز في بني سويف مشروع طاقة محطة توليد كهربائية بالغاز بسعة 4800 ميجاوات.
o الحصة: غير محددة
o التاريخ المتوقع للبيع: يونيو 2024
o المهتمين: أكتس كابيتال وإيدرا باور هولدنجز، بحسب المصادر
o بكام؟من 1.4 لـ 1.9 مليار دولار
o القصة
· محطات تحلية المياه
o الحصة: 21 محطة
o التاريخ المتوقع للبيع: المرحلة الأولى (4 محطات) متوقَّع تتباع في النص الأول من 2024
o المهتمين: أكوا باور، تحالفات تضم السويدي اليكتريك وأوراسكوم كونستراكشون
o بكام؟ 3 مليار دولار في المرحلة الأولى
برضه في الخطة، فوق ال 5 مليار دولار:
· البنك المتحد، بنك مصري معروف بيستهدف العملاء الأفراد، والشركات، والمشروعات الصغيرة والمتوسطة
o
§ التاريخ المتوقع للبيع: الربع الرابع من 2023.
· المهتمين: البنك المركزي المصري نفى مؤخرًا شائعات ان تالت بنوك محلية (من ضمنهم كريدي أجريكول) انهم بيدرسوا الاستحواذ على البنك
· شركة الشرقية للدخان، أكبر شركة مصرية لتصنيع السجاير
o الحصة: غير محدد
o التاريخ المتوقع للبيع: النص الأول من 2024.
o المهتمين؟ المتحدة للتبغ التابعة لشركة فيليب موريس.
o القصة
· شركة دمياط لتداول الحاويات والبضائع شركة متخصصة في مجال الحاويات في ميناء دمياط
o الحصة: 20%
o المهتمين؟ مها كابيتال القطرية وموانئ أبوظبي
· شركة بورسعيد لتداول الحاويات والبضائع شركة متخصصة في مجال الحاويات مع محطات في تمديد حوض عباس بجنوب ميناء بورسعيد ومسار الملاحة غرب القناة
o الحصة: 20%
o المهتمين؟ ممكن يتم طرحها في البورصة
الصورة الأكبر
الحكومة بتمتلك 705 شركات متوزعة على 9 قطاعات. أكبر تركيز للشركات، 254 شركة، موجود في قطاع الصناعات التحويلية.
· معلومة كلابس: الصناعات التحويلية بتاخد المواد الخام وتحولها لمنتج نهائي. ومن ضمن الصناعات دي تصنيع الأثاث وإنتاج الخشب والورق، وإنتاج المشروبات.
43.2% بس من الشركات دي شركات مربحة اما 20.6% بتعمل خساير و 36.2% ما تم مش الإفصاح عنهم
برنامج الطروحات مالي الأخبار من ساعة ما بدأ. وبما إن المستجدات مستمرة وتضارب المعلومات من المصادر المختلفة مكمل، الوثيقة المسرّبة حديث الجميع.
إخلاء مسؤولية:
رغم إن الوثيقة فيها معلومات كتير، لكن هي مش موثوق فيها بالكامل لأن ممكن تكون المعلومات مش كاملة أو هيتم الإعلان عن معلومات تانية بعد كده. |
